Ég fékk þann heiður að setjast niður í léttu og skemmtilegu viðtali á útvarpsstöðinni K100 þar sem við ræddum um gervigreind, ChatGPT og það hversu mikilvægt það er að kunna að nýta sér skipanir þegar talað er við gervigreind.
Við ræddum meðal annars um það hvernig notendur geta fengið mun nákvæmari svör ef þeir kunna að orða fyrirspurnir sínar rétt. Margir halda að ChatGPT lesi hugsanir – en sannleikurinn er sá að vélin skilur aðeins eins mikið og hún fær lagt fyrir sig. Skipanir eru því eins konar brú á milli hugmynda notandans og svarsins sem gervigreindin getur skilað.
Til að gera viðtalið enn meira lifandi var notuð 8K 360° myndavél sem fangar samtalið frá öllum sjónarhornum. Það merkilega er að þú, lesandinn, getur stjórnað myndavélinni sjálfur. Ef þú ert í tölvu geturðu einfaldlega dregið músina yfir skjáinn til að skoða herbergið og umhverfið í kring. Ef þú horfir í snjallsíma, þá nægir að hreyfa símann til að upplifa viðtalið eins og þú sitjir þar inni með okkur.